Joseph Swan | |||||
---|---|---|---|---|---|
![]() | |||||
Persona informo | |||||
Joseph Wilson Swan | |||||
Naskiĝo | 31-an de oktobro 1828 en Sunderland | ||||
Morto | 27-an de majo 1914 (85-jaraĝa) en Surrey | ||||
Lingvoj | angla vd | ||||
Ŝtataneco | Unuiĝinta Reĝlando de Granda Britio kaj Irlando (1801–1922) ![]() | ||||
Profesio | |||||
Okupo | kemiisto fizikisto inventisto ![]() | ||||
Laborkampo | Fiziko kaj kemio ![]() | ||||
| |||||
| |||||
vd | Fonto: Vikidatumoj | ||||
Sir Joseph Wilson SWAN FRS (31a de oktobro 1828 – 27a de majo 1914) estis angla fizikisto, kemiisto, kaj inventisto. Li estis konata ĉefe kiel sendependa frua disvolviganto de sukcesa inkandeska lampo, kaj estis responsa pri la disvolvigo kaj disponigo de la unuaj inkandeskaj lampoj uzitaj por lumigi hejmojn kaj publikajn konstruaĵojn, kiel la Teatro Savoy, Londono, en 1881.[1][2]
En 1904, Swan estis kavalirigita fare de la reĝo Eduardo la 7-a, ricevis de la Reĝa Societo la medalon Hughes, kaj estis farita honora membro de la Farmacia Societo. Li estis ricevinta la plej altan honoron en Francio, nome la Legio de Honoro en 1881, kiam li vizitis la Internacian Ekspozicion de Elektro okazinta en Parizo. La ekspozicio inkludis montrojn de liaj inventoj, kaj la urbo estis lumigita per lia elektra lumigsistemo.[3]
Swan estis la patrinflanka avo de Christopher Morcom,[4] nome la plej proksima amiko de Alan Turing dum liaj studoj en la Altlernejo Sherborne.[5]